Монгол Улсын Ерөнхийлөгч, Зэвсэгт хүчний Ерөнхий командлагчийн санаачилсан “Тэрбум мод” үндэсний хөдөлгөөн, Шүүхийн шийдвэр гүйцэтгэх байгууллагын “100 сая мод тарих хөтөлбөр”-ийн хүрээнд Шүүхийн шийдвэр гүйцэтгэх ерөнхий газрын харьяа Архангай аймаг дахь Шүүхийн шийдвэр гүйцэтгэх газар нь Эрдэнэбулган сумын Тамирын голын эрэг дагуу 110 ширхэг бургас модны суулгац тарьж, нийт 5 байршилд модны цэнэг усалгаа, арчилгааг хийлээ.
Мөн экологийн тэнцвэрт байдлыг хадгалах, хорихоос өөр төрлийн ялын үр нөлөөг дээшлүүлэх, хөдөлмөрийн чиг баримжаа олгох зорилгоор нийтэд тустай ажил хийлгэх ял шийтгэгдсэн этгээдүүдээр 2500 ширхэг бургас, 150 ширхэг улиас модны цэнэг усалгаа, мод тарих эдэлбэр газрын шарилж, зэрлэг ургамал цэвэрлэх зэрэг 0.1 га газрын зэрлэг ургамал, шарилжийг цэвэрлүүлээ.
